LSAJ's ActiveBoard

ມື້ນີ້ຂໍສະເຫນີວິທີການປຸງແຕ່ງອາຫານເພື່ອສຸຂະພາບເຊິ່ງແມ່ບ້ານແມ່ເຮືອນລວມ ທັງສາວໆທັງຫລາຍມີເວລາວ່າງບໍ່ຮູ້ ຈະເຮັດຫຍັງ ດັ່ງນັ້ນ ຈິ່ງຂໍແນະນຳໃຫ້ມາປຸງແຕ່ງອາຫານມື້ນີ້ຂໍສະເຫນີ. ຍຳຫົວສີໄຄໃສ່ກຸ້ງສົດ:

ສ່ວນປະກອບ: ກຸ້ງສົດ 4 ໂຕ ຫົວສີໄຄຊອຍບາງໆ 2 ຫົວ, ຫົວຜັກບົວແຫ້ງຊອຍ 2 ຫົວ, ຂີງຊອຍ 1/2 ບ່ວງຕັກແກງ, ຜັກຫອມ ປ້ອມເດັດເປັນໃບ 1/2 ມັດ ນ້ອຍ, ຫມາກຖົ່ວດິນ 1 ບ່ວງຕັກແກງ.

ສ່ວນປະກອບປຸງນ້ຳຍຳ: ນ້ຳປາ 1 ບ່ວງຕັກແກງ, ນ້ຳຫມາກນາວ 1 ບ່ວງຕັກແກງ, ຫມາກເຜັດດິບຊອຍ 10 ຫນ່ວຍ, ນ້ຳຕານ 1 ບ່ວງຕັກແກງ, ຜັກທຽມຊອຍ 1 ຫົວ.

ວິທີປຸງແຕ່ງ:

1 ນຳເອົານ້ຳປາ, ນ້ຳຫມາກນາວ, ຫມາກເຜັດດິບທີ່ຊອຍ, ນຳເອົາຜັກທຽມຊອຍທີ່ກຽມໄວ້ແລ້ວ ມາປະສົມໃຫ້ເຂົ້າກັນຄົນໃຫ້ທົ່ວແລ້ວ ປະໄວ້.

2. ຫລັງຈາກນັ້ນນຳເອົາກຸ້ງ ໄປລວກພໍສຸກປະສົມກັບຫົວສີໄຄຊອຍ, ຫົວຜັກບົວແຫ້ງ, ຂີງ.

3. ນຳເອົານ້ຳຍຳທີ່ປຸງແລ້ວໃນຂໍ້ 1 ມາຄົນໃຫ້ເຂົ້າກັນແລ້ວ ໂຮຍຫນ້າດ້ວຍຜັກຫອມປ້ອມ ແລະ ຫມາກຖົ່ວດິນ.

ໂພຊະນາການ: ຫົວສີໄຄ: ຊ່ວຍໃຫ້ເລືອດໄຫລວຽນດີຂຶ້ນ, ແກ້ເຈັບທ້ອງ, ໄລ່ລົມ ແລະ ເຮັດໃຫ້ຈະເລີນອາຫານ. ຫົວຜັກບົວແຫ້ງ: ຊ່ວຍຄວບຄຸມລະດັບນ້ຳຕານໃນເລືອດ. ຜັກຫອມປ້ອມ: ມີວິຕາມິນຊີປ້ອງກັນການເປັນຫວັດ, ກິ່ນຊ່ວຍໃຫ້ສະຫມອງປອດໂປ່ງ.


ecom